كيف تتخلص من التسويف نهائيًا وتجبر نفسك على النجاح ؟؟؟؟
يا ترى كم مرة كنت متحمس جدا تعمل حاجة جديدة
زي مثلا إنك تبدأ نظام غذائي، أو تكتب رواية، أو تتعلم لغة أو تبدأ مشروع خاص بيك
أكيد طبعا كتير
أكيد طبعا كتير
وطبعا كل مرة كنت بتخش على طول على النت عن تبحث عن الموضوع وتجمع عنه معلومات
فلو عايز تخس مثلا
هتقرا مقالات عن أنظمة الريجيم المختلفة زي نظام الكيتو للتخسيس أو نظام باليو وممكن تقرا عن نظام اللقيمات ومرة هتقرا نصائح د. سالي فؤاد أو هتقرا ازاي تبقى شخص نباتي
ومقالة هتجر وراها مقالة وهكذا إلى مالا نهاية
وبما اننا في عصر المعلومات، والمعرفة أصبحت متاحة وكتيره جدا كمان
وبقه عندنا فرصة نتعلم أي حاجة وكمان مجانا، فلازم نحذر من مشكلة كبيرة بتواجه كتير مننا
وهي كثرة المعلومات، أيوه كتره المعلومات والنصائح بقت مشكلة في الوقت الحالي
ده أحيانا النصائح بتكون متناقضة وعكس بعضها، مثلا واحد يقولك لو عايز توصل للهدف الفلاني تاخد الطريق (س) والتاني على النقيض هيحذرك من الطريق س ويقولك مفيش أحسن من الطريق (ص)
ودي بصراحة كانت أكبر مشكلة بتواجهني شخصيا لحد ما وصلت بفضل الله لطريقة قدرت اتغلب بها لحد ما على المشكلة دي
الحل بمنتهى البساطة : ابدأ فورا بتنفيذ اللي انت عايزه ...... يعني من الآخر متفكرش كتير
لأنك لو فكرت كتير غالبا مش هتعمل حاجة، خلي عندك شجاعة، الدنيا مش هتقف على قراراك
ولا هتقوم بسببه الحرب العالمية التالتة
أبدأ وحتى لو غلطت هتكون فرصة كويسة إنك تتعلم من أخطائك
وعلى فكرة كل اللي نجحوا قبلك مروا بتجارب كتير غير موفقة
يعني لو عايز تألف كتاب أو رواية
أبدأ بالكتابة فورا، صفحة اتنين عشرة
بعدين اعرض اللي كتبته على معارفك واصدقاءك القريبين وخد رأيهم فيه
روح لدور النشر واعرف ايه رأيهم في اللي كتبته
لو عايز تتعلم لغة
اسأل عن المركز الثقافي الخاص بالدولة اللي هتتعلم لغتها
حمل كتاب من النت
ابدأ مشاهدة فيديوهات خاصة باللغة
استخدم برامج الدردشة الصوتية مع أهل اللغة
الخلاصة اعمل أي شيء إيجابي حتى ولو صغير، وخليك متأكد أن خطوة صغيرة هتجر وراها خطوة والتانية لحد إن شاء الله لما تنتهي من موضوعك
ويا ريت ما تخافش من ارتكاب الأخطاء لأن ارتكاب الأخطاء وانت بتتعلم شيء جديد يعتبر واحد من أفضل وأسرع طرق تعلم واتقان المهارة الجديدة، أسرع طبعا من مجرد القراءة ومشاهدة الفيديوهات للبحث والاستكشاف، وكمان تعودك المداومة على الأفعال الإيجابية هتقوي من شخصيتك وهتخلي عندك رصيد من الخبرات يخليك مستعد لأي مشكلة طارئة ممكن تقابلك في شغلك أو في حياتك
وهيخليك تحذر إنك تكرر أخطاءك مرة تانية
من الآخر كده أعمل أي حاجة انت عايزها وابدأ فيها فورا.
ليست هناك تعليقات:
إرسال تعليق